Naci Kotonke Kcihknac
pstemon akanotemakenakenotem Gwen Bear (.wav, 1.2 mb)
Pon peciyewiw. Psi te tama wast. Kisi oc toke akomok. Kloskap tiyal Kcihknacol weci wiciyat na nekom. “Kil ona liyan akomok”.
Kcihknac tapiyamol Sakomol kenok cossinuwawa. Mate wolitasiwiyik eli koti ckoyat. Mihqitahatomoniy kenok peciphat potepol.
Maciyapasoltowok kiseyultitit. Wakac te kisohse Kcihknac, eci kikiceyit. Tahcowi ponawa ota pakonok. Mate yakw kewk likolowosiw.
Aspasiwik, koti kotonkahtowok. Kcihknac apc ahtoli kipiyat. Mamote wonhoke. Koluskap nit nomihton psiw sako ‘kisi kisehton wolipomiyewiw ciw ‘kolamoksol.
Nitte na psi nikantehkowan. Eci kakawiyat alowi te kotokik ‘tetponawa. Tokkiw tetponahtit, kis ‘kisi nehpahal mosol, ‘kisi ‘possehlal, naka ‘kisakosomon wiyohs. Sakom ‘kwoss eci tkesihtit. Memihpoltitit, tahcowi ponamoniya wiyohs otopakonokomona. Nisowok kenok apc mosok. Nihiht ‘kisi puna Kcihknac nekom otapakonok.
Eloma pasoltitit, eci koti nikankahtil Sakom ‘kwoss kenok ‘talowi te. Eci tkikok.
Kcihknac tomk peciyat. kwocitpukok tena notowal Sakom.
Yaka ospasiwik petapasoltowok kotokik metsonoltowok.
Koluskap ‘tapsakyal kolamoksol weci yahat eli wolikisehtak.
