Wolastoqiyik
English
Français

• wolokasq luhkewakon
• wenucqapsis luhkewakon
• posonutey




• Ronald Paul
• Ronald Paul

Skicinowok kocicihtoniya ci peciyewik naka tan eli kolwak ciw psiwte ekw ewehkasik naka elehtasik.weci kisihtohtit lohkewakenel. En ec talihtoniya kekw emalhikek naka eci wlinakwok. Mate ipecel komaseyiw. Nit el kcicihtohtit tan kekw wolastokewiyik kislohkahtmolhtit.

Yohtal lohkewakanal kiswehkasal ciw wen lohket kesana wen kati emalohket. Tanakwil lohkewakenal psiwte sonociw ehmalhikel ciw wewi ehmalhikek. Yot lohkewaken pilwinakwatol tan kekw piyemkihkek. Emalhikek wikhaso ewhkhetihtit weyesek naka pehskwahswehskil, kesna maskw nit lohkewakanel ehtahs ewikhasik. Ankwoc tahalo wen wolinmot kekw kesena katohnkat wawikehtoniya ec. Yohtol ewikhasikil emalhikek tahtliminwi wehkaniyal weci woli pistek tan kekw etelalohkatemohtit. Kakehsiw pilweyal lohkewakenel tan tehpo kekw ewehkhatihitit, tahalo maskw kesena wikp, kesena mahsosiyil mecimiw etetol.

Wen niphikanek ewehkat, kwotatkw cel ahkwamhk niphikanek milcahsowok weci ehamalhiket takwte wakenowa. Anhkwoc tena milawakwikhil napicehtoniya esipey kasena seskikekamaleken. Anhkihkwek wen nephikenek wehkat, piyemi apsekihkwek towehkaniya pilaskw en ec napikwasiniya amalekenek.

Maskweyak waletiyik lihtasowok tehpo kweni kwolpehtasik maskw en ec wewinakwok eli piyemi makesewcihtek lamiw maskw. Yot piyemi makesewcihtek maskw kisi wen manapenemeh weci wewinakwek nekwiw. Tahakenel, tomakenk naka napiconel nihtel na manapenemeniyal, en ec talcehshemoniya mehkweyik, kasena makeseweyik. Mihkotanisel naka wotemakeknihtel leksasowok weyehsek wiciw milewikhasik.

Wolastekok posonotiyil stomaso eci tahlohkhetihitit tan wen kisi posonotehket. Kehsi milinakwetol posonotiyil lahskenwehtasikil. Ehmalhitasik likcihikaney kehsi milikek wen tawi lahskenwet. Anhkwoc piliwnakwetol posonotiyil lahskenwek likcihikenwy tecehshemoniyal. Anhkwoc posonotiyil ipcal pohckwameniya sonhiken likcihikeneyal.

Yohtol eci wolinakwek lohkewakenol itemowewiw tehc ahskamiw ec towehkaniya elihtasik kekw naka kecicihtoniya ec mecemiw yot litahaswaken.

©2005 Wolastoqiyik Executive Committee & New Brunswick Museum, all Rights Reserved. Member of the Virtual Museum of Canada. © Tous droits réservés, comité directeur wolastoqiyik et Musée du Nouveau-Brunswick, 2005. Membre du Musée virtuel du Canada.