akanotemakenel

Klu Wikowamkomal Kcihnacol

audio pstemon akanotemaken
akenotem Gwen Bear (.wav, 1.3 mb)

ogwidun
Kcihqnac
Klu
kawatukw
kawatokw wutsupsk
Kcihqnac

Petaksis pomikotone. Koluskap koti macehe. Pawatomon ‘towasomol wicewoun. Mikowesu, na nekom liye. ‘Kisowehkaniya ponapskweyokiton. Petkawotoltowok yot otanek. Mate nit Sakom ihiw kenok kcihknac, Koluskap ‘kolamoksol, nit iyo. Maleyo yakw mate wikowaci kotonkew.

On nekt peciye Klu, kci sips. “Kwey”. Kcihknac tiyal. “Oey”, itom Klu. Kcihknac ‘tapitowan pkotey wiyohs, mate kenok kewk elosossomit. Eci kispahtek wiyohs on ehta nektomon. Alowolatok on mehcinan. Kcihnac kisi ‘tomasal, pkotelan, naka ‘tekholan wonoskwi.

Apatapasihtit mawsowinowok wolite kcicihtoniya eli kisi nehpahat Klowol. Sakom Notamet wolite kisi ewepiponal oposik. Nit woslossok eyit. On Notamet macophowan.

Petapasolthtit Klu wicik, nomiyawa wonoskwiy. Etoli tpitahasit Kcihknac tan oc li taweyowan mawswino. Nit te na ‘ponekiyan. Mawsowinwok nomiyawal kenok petapasoltitit, tehpote walot nemiyahtit. Kcihknac katso lamiw wolokaskuk. Kenok mowsowinowok nomiyawal. Koti nepahawal.

“Ekolane” itomok. Kcihknac itom. “Nil oc nacipha ahpap”. Sako ma ‘tolohkawoniya. “Lakosane,” itomok. Kcihknac itom, “Nil oc nacipton wapskw”. Sako ma na nit ‘tolohkawoniya.

“Copokossimane” itomok, “Kaco”, itom Kcikqnac. On ehta pisahkalaniya sipok.

Litahasoltowok eli copokossit. Kenok tepo olomohom. Wolasowiyoso eli kis taweyowat nihiht mawsowino.