akanotemakenel

Kcihknac Naci Potolwoso

audio pstemon akanotemaken
akenotem Gwen Bear (.wav, 775k)

Wolastoq

Yalhom kcihknac tokkiw litahasit matehc wen ‘tope yowaw iyol. Peciyat sipayiw on cikawiyan pilskwehsisok etoli kostikonahtitit. Mecep ho wahtowok wikowak. ‘Tiya wal mawsowinol eli nomiyahtit Kcihnacsol.

sako ‘tapiptoniya toloma naka naci kiluwahaniya

Sako ‘tapiptoniya toloma naka naci kiluwahaniya. Mesklowatit on ‘topacip haniya. “Matehc kil apc knehpahaw sakom” itomok. “Mehsi olo peciyat talhalo sips. Mate nonowaw?” itom Kcihknac.

Kcihqnac

Etoli potowosoltitit, petkawotowok Kluskap naka Mikomweso. “Niloweyo kilamoks,” itomok. “Ktaskowasipon oc tokkiw naciphinakw meskw wicohkemek.”

walot

Nit te na elessik. Pecinaciphawa tena. Etoli kakalowet Kcihknac, ipocil ahtoli saptahatit etolowehatit ipisol etolakote.

Kcihknac naci potolwoso

“Kolamoks? Kil nit?” Koluskap papehcikeso. On ‘tehkwi tomakiyaniya mawsowinowok Psahkeyowok yakw ipocil mate ‘kotowil oweyouwawa Koloskapol.

On nokotominiya nit uton.