Koluskap Naka Kci Kwapit
pstemon akanotemakenakenotem Gwen Bear (.wav, 1.4 mb)
Koluskap naka ohkomossol ‘cipetkawotuwok Sawonossnok. Kci akwiton ansa monihkw kisowehkatit. Eci assokitahasoltitit Wolastoqiyik, wolite kcicihtoniya eli motewolon peciyat. Kehsok kisi olokwket naka kisihtakw. Poniw.
‘Tapi ali kilowahtonol kpihikonol kisihtutit kwapitok. Akomok kisi psihkowat weci kisohset wastik. On ‘tahcowi nokolan kwihiw Pilick. Kisi accessowok. Monihkwol kisihtonol.
Nolhamiw peciyat, kisihton Kci Sonikop, kisi wekihtok peskwon kpihikon. Mec tena nit ponapskwol kisihtak nit otetol.
Siqoniw.
Kisihton akwiton ponapskwey. Yali sokat sipok. Itomok mawsowinowok, “Kcitposo not. Co oc toke Kci Sakom.
Niponiw.
Api liye Monahkesq. Kisi wekihton apc kotok kpikikon. ‘Kisihtonol nisonol monihkwol, peskw liwihtaso Pokowek Mikhikon.
Toqaqiw.
On ehta ‘tapsakiyan ohkomossol. “Naci nil kotonkalak kwapitok. Mosa yot cokihtowakoc tociyaniya. ‘Kisi Milan saptihikon.
Apc nekwt nolhamiyan. Peciyat nit, nokka nehpaha kwapit. An te peskw kisi macephowat.
‘Tahcowi kiluwahal. Mate kenok moskowawiyil.
Apc ‘tapsakiyal ohkomossol. Mate na nekom nomiyawiyil kwapitol.
Nohkomossol kisi yohkol eli koti peciyat hesisol.
“Ntiwa nil hesis?”
Mamote peciye Mikomweso. Kisi papehcimal Kluskapol, “knokka nehpahak kwapitok?”
“Tehpote wasisowit kisi macephowat”, itom Koluskap.
“Nacipt ponapskwol naka knihkanahken. Co wesoweso.
Nitte na kisi olouhkat Koluskap. Mamote nokka nehpaha kwapit.
Mec tena nit iyu ponapskey kwapit.
