akanotemakenel

Mikomweso Nehpahal Piluwi Kloskpol

audio pstemon akanotemaken
akenotem Gwen Bear (.wav, 1.5 mb)

not ‘takahomohs

Koluskap naka nisowok skitapiyik kisihtoniya nisnonol kolhihonol ciw athosossok tepelomat not ‘takahomohs.

not ‘takahomohs

Elomohsat, ‘peciyan eyoltitit ‘totem. On kakaloman. Kenok kolhikonok mecimessowok, tehpo skat pesk, not piyemi kinsonit. Koluskap ‘tahcowi nohsophokalal. Kisi nihkantehkowal naka ‘taskoyan. Kisi nehpahal eweket tap naka pahk. “Pswite mehcinhotowok”, itom.

Kwenewestotit Koluskap naka Sakom, peciye Sokehs
Sakom ‘kisi pcitahkalal Nimaq sowesol weci natsakitak tan not mikomwesi ‘kosona skat

Kwenewestotit Koluskap naka Sakom, peciye Sokehs. “Iyo wen Poso anapekok. Sakom ‘kisi pcitahkalal Nimaq sowesol weci natsakitak tan not mikomwesi ‘kosona skat. “Apsokil skitap”, itom apaciyat.

Eci wolitahasit Koluskap opocil kocicihtoneli not ohsimisol. Pihce ‘tehqi nomiyan. Apc ‘toliyan nimaqsowes naka kinuwehtowan eli koluskap koti nomiyat.

‘Kikimiyan nit. Mate wen nomiyawiyil yaka nisipomat Kloskapol. Tokite wolitahasuwok.

Mikomweso nehpahal piluwi Kloskpol

Kisi yahal Koluskap ciw not takahmohs kweci itok eli nekom Koluskap, naka kisi nehpahat mawsowino. Mikomweso itom, “nil oc nehpaha.” Kisi olkimal Sokehsol weci wihqehtaq ‘tapim naka naci peskan siskok kwen kahsit.

wikpehlal
sakwihigun
Psite naci saphawa polamok on wihqacoltiniya

Notowal kenok not ‘takaohmohs. ‘Talowi nehpahal. “Nil tehc wen knomiyuk. On kisi kolipilan athosossisok oposik.

Natacomin eyitit Sakom naka Koluskap. Koluskap kisi kakaloma mowiniyik weci mahahtit athosossisok.

Psite naci saphawa polamok on wihqacoltiniya. Koluskap papehcikesu ciw kcihnac.

“Mec al naninsk nican,” itom Mikomweso.

“Tan olo Petaksis naka ktehpitem?”

“Pihce ntehkowi nomiya. Kosiyahsonok olomotiyik.”

Kwotinsk ikotonol nit wikoltowok otenak.