akanotemakenel

Koluskap Assihkuwal Pisowi – Koluskap Kolamoksol

audio pstemon akanotemaken
akenotem Gwen Bear (.wav, 1.6 mb)

Koluskap kisi nolhamiye weci nehpahat ‘sanaksultitit weyossisol
Tihtokol
tubigwenigunul
Monimkwehs
tuhagun
alhsowik
Petakiw
On Koluskap machahan, ‘koti nomiyal ohkomossol

Koluskap kisi nolhamiye weci nehpahat ‘sanaksultitit weyossisol. Mikomweso milawiye.

Peciye Koluskap nit eliwihtasik Kci Kpihitonok. ‘Tassihkowal koskwehsohsol eliwisit Tihtokol, “Kloskap kit?”

Itom “Aha, peci wolehton psi keq.”

Kisi papehcimal weci wolehtak samakwan, naka kisi yahal eli pisowi Koluskap eyowat Kolamoksol. Nekom tena yakw toci mociko. “Komotonamakun, mate micowakon otew.”

‘Kisi yahal Koluskap eli peciphat kwapit. Mosa wen yahakoc eli yot ihi. Kenok Tihtokol eci wolitahasit cel linto. On not ‘tkaqhomohs pocitahkalan Apikciluwol weci naci wewisit. Nomiya nihit etolihpitit naka kwapit eknocit oposiyahkok.

Koluskap nomiyal sako ‘taskoyan. Kisakwosal yawk. Nit tena. Macephowan.

Etuciluwahat Kolamoks. Kisi pci tahalal Sokehsol weci nekom wewisit.

Monimkwehs peci wikowamkomal Tihtokolol psi te kewk kisacomo kisi lessik. Sokehs apaciyat kisi yahal eli Towasomol mehcinat naka Koluskap kisi kselat Apikcilowol.

Ospasiwik, Koluskap moskowa nisowol kwapitok kolhikonok.

On not Kolamoks peciyan Tihtokol ewikit. Etoli wihkelal kwapit, on peciyan Koluskap. Kisi petakonal. “Naciphan Sakom,” itom. Tihtokol ‘tolohkan.

“Olokiman mawsowinowok wot ‘takahomohs ewikit, naciptok micowakon.”

“Koti wot skitap siktelamo.”

On tolihtoniya alsowakon. Kisi pisi ponawa nit lamiw naka ahtoli pisahkaniya ksipotek ponaskol naka samakwan.

“Tama toke ote ktolsonowakon?”

Koskiyahsonok nomihton Petalok. Motehtakok, kocicihton eli not Mikomweso ‘kwossol, Petaksis.

Wolitahasowok nemiyotihtut.

Kisi Koluskap ‘papehcimal Petaksisol weci wekihtak Kpihikon weci pehkessik samakwan, naka nehpahan ‘sanakwsoltitit weyossisok.

Petaksis itom eli oc nit olohket. On Koluskap machahan, ‘koti nomiyal ohkomossol. Kessok ikotonol ehqi nomiyat.