akanotemakenel

Koluskap Assihkowal Pilowi Kloskapol

audio pstemon akanotemaken
akenotem Gwen Bear (.wav, 1.5 mb)

masq walot

Koluskap api liye Apenahkik nomiya kci athososs. Kessok okwitonol mate kenok skitapiyik. Peciye yot pesk oten, ‘kisi milkon Sakom wiyohs, eci kospahtek. On nekhomon. “Ktokeci kil nehpihi?”

Koluskap api liye Apenahkik nomiya kci athososs
wigut
ogwidunl
megwins pipamp
kisiwtome weci skot ankeyotok nit oten naka Sakom wikowan
sigtihigun
Wolastoq
Kisi notiyahalat Koluskap otomakonol on ‘pasketon okiton

“Wenohcisok peciptoniya mocikok,” itom. “Kekate nokka nehpohokun pesk peciyat.”

“Wen not?” Koluskap papehcikesin.

“Koluskap. Kci Sakom,” itom kotok.

“Mate nit leyiw. Koluskap nil.” Kisi papehcimal weci ‘pcitahkalat nisowok skitapiyik naka ‘tiyaniya ‘takhomohsol eli kwinte Koluskap koti nomiyat.

Mate kenok peciye.

Apc nekwt ‘kisi olkima nihit skitap. Apc ma peciyew. Mamote Koluskap ‘tahcowi yahal eli oc kewk ‘sanakok olohket.

“Natsakiya oc,” itom. Kenok ‘tolitahamal eli malsonit.

Apatkawotitit nikt skitapiyik, nomiyawa Nihiwok pilskehisok mokiyok siskok. ‘Kisi yahawa eli not ‘takhomuhs kisakosat. “Wicewine, kwinte Koluskap oc kwicohkemowa.”

Wolitahasu Koluskap eli koti peciyat ‘takahomohs. “Pihce op kisi nehpaha, kenok ntahcowaskoya Mikomweso.” Kisiwtome weci skot ankeyotok nit oten naka Sakom wikowan.

Peciyat pisowi-skitap, kisi kweci wekihton wikowam. ‘Talowi kenok. On kocicihton eli nit eyit wen kinsonit. Ksehe, tan te elitahasit.

Koluskap kisi Milan otomakonol. ‘Talowi sakolonal. ‘Tiyal, “Katkwin kinsoniw. Mehsi yaliptowon skocis naka ponapski okiton?”

“Pilowiko nil notomakon, Ipa.” Kisi wihkwelal Koluskap naka noteyahkalan.

Kisi notehton ponapsk naka Milan nihit ehpilici. Ponomok ksiskok. ‘Ciksotowawa, nit te na kihkasowok mokisok.

On koti matonahkan not skitap. Kenok Koluskap ‘tiyal eli cowi askuwasit.

Koti macahat, ahcowi pomohse. Kisi notiyahalat Koluskap otomakonol on ‘pasketon okiton.