Koluskap Naka Tekwehsomel Malsom
pstemon akanotemakenakenotem Roseanne Clark (.wav, 1 mb)
.jpg)
Koluskap naka tekwehsomel malson tetlewestopenik mesk nemikwesihtit cowitpetopen knemikwisinen weliwete item malsom katama kcowaskowasipin Koluskap item kenok ‘talwi cinehlal malsomel, sami wisake peyiyan skitkamikw enatta noci nehkwesin kikewesowey mosop, nitte et linet kikewehsowal.
Nekemaw kisikenosowekw tokwehsek naka mecmite witapehtowok tekiw nekwt kisk, kisi kwehtseniniya tan wen piyemi kihnsinit cikowte eli tekwehkwek. Peskw wen cipto piyemi kinhseno. Tiyal malsom Koluskapel. Tan ap pamawsowin knehphokon? Tan ap pamawsowin knephohokon kil? Pihce telti tpitahatemen Koluskap naka kisitahatemen weci skat sapatkotmowan kisi papehcimat malsom. Matehsimweyal wiphonek tiyal yakw Koluskap. Naka wot Koluskap kcicihtonepen matehc kisi nehpahawiyil. Tan ap elo kil ktli nehpihin? Koluskap papehciman malsomel. Tohsimisel tahsitemal naka tiyan pitiyaskol.
Mecimiw yakw te yalhsenowok ehtahs ate Koluskap mecimite kiseyowal. Peskw wolakwiwik malsom tapipha metehesimweya wiphon en penekwakwalal Koluskapiyil takwmikw. Tokiyat Koluskap kwilwahan pitiyaskol. Etli tpitahasit cowi nehpaha malsom ipcel sanakwso. Nit tena, nit eli macehsit malsom en nehphan kiswehkahat pitiyaskwol Koluskap.
