Kehskalawal Ahpsekilot Petakiw
pstemon akanotemakenakenotem Gwen Bear (.wav, 940k)
Koluskap skoweyo ewikitit mihkemwehso naka tepitemal menimkwehs kwenesel tena nit iyopenil naka meke ketonhke, mihkemwehso lihtasohs eli nekem kci ketonhket, wicokemawa keteki katonkahtihtit, nekwt elmi katohnkatit mihkemwesho naka ‘tehhpitamel tiwaspani skinohsisel eliwisit ahpsekilot petakiw. Nekwt keti naci ketohnkat mihkemwehso kisi yahal weci skat nekelat ahpsekilot petakiw ketohkayiw.
Kis elmi naci katonket mihkemwehso, tehpitamel ohkemohsel menimkwehs iyopen kcihkok ehtli metehtahat senawey epes ciw senawey weci kisi takwamahkwanhiken kwenehs kisi ‘tahatemen wicohkeman menimkwehsel nicanel wolehsinopen, kweni wicokekemit. Wihpon kisi penekwamo ehsehket kwenehsen mihkwitahatemen kekw mihkemwesho kisi yahat. Kwenehs wolite elmi wesweso wikwamek, ewepapit mace piskiye. Peciyat nit mate nit wen ihiw en macetemin. Nitte ekwetemit kwenehs mace pemohsan Wolastok lihtahaso citpo skinohsis yot pecohse naka kisipisesin samakwaney walekok kenok mate nit micanel ihiwiyil naka macetehmin menimkwehs eyitpen.
Mehsi teltemiyin? Item menimkwehs. Kwenehs kisi yahal eli skat talwi pskowat nicanel menimkwehs kisahtpemal kwenehsel eli skap ciksetwat. ‘Toskapitemel, kweni kelolat menimkwehs, kwenehs eci wolikitpen elmiyewiw naka teke tlapewin tahalo te elikits meskw peciyat.
Mihkemwehso ewikolhtimek naka macehewiw eli wolikitpenik yokt ehpicikw cel wakac pemawhsohltowok. Mate na apaciyew mihkemwehso tapi ketonhket. Mecal nananhko kwociketen naka mate apaciye. Mate kwenehs meskewawil skinohsisel.
Nekwt epahsitpoket menimkwehs naka kwenehs notwan wenil etlo ponek kekw cwocemek kakenek. Menimkwehs tapi tokelan kwenehsel, lihtasowok mihkemwihso apaciye notmeniya etli menalaht wast ‘takemek en wen sakhi pisehtawk woniyaken kahkenek tehpok kisi yalapo, etli kilwahat apsekilot petakiw. Mate tama nemeyawil. Kisi papecimal tehpitamel kisi yahal eli ksihkahat.
Matehc apc knemiyiw yaka skinohsis apahciyat item mihkemwehso mosa naka elapewin cowec ahkwamek kwenehs kisi yahal mihkemwehso mosa cohkitwakec en nohsopekwalon. Kisitwiyey epesisek, en mihkemwehso mecenton. Menimkwehs naka kwenehs apc ketohkaniya en sasteminiya. Sakem naka pilskwesisek notemiya kwenehs ksis lehsit, en tahpsakiyaniya. Kisi makikimawal eli kisi nipowamat mihkemwehso nake cowi wehkan pilewey kekw weci kisi wolikit.
Sakem naka pilskwesisek mate sesmiw keti cikitwawiwa eli kisi paktowahtit, cel peci eli keskalat nicanel, eli welikitpen, naka mihkemwehso. Mate sesmiw keti mewyawiw. Kwenehs cikawte menimkwehs kweci wihcokemat.
