Kisiknelinakw-epahsi-penapskwi-skitap
pstemon akanotemakenakenotem Gwen Bear (.wav, 1.1 mb)
Koluskap naka mihkemweso pemiyahtoltopenik walostokweyen petkwotiniya wikwamek tekwiwte hesisek kahpetahsiniya naka kisasikwahniya keskwesohs eliwyatit menimkwehs. Menimkwehs kisi ahcoyal weci epihtit. Koluskap ketwesmos sako tapecikesin ciw samakwam elmiyatit wikwamek, Koluskap maka mihkemweso nemihtoniya eci wisaki kihncekekw samakwan naka wiskelok cocosisek, tahlwesmin te wen. Menimkwehs tahsitehmal mate ntiwen samakwan. Kci cekwohls nehkanemen, Koluskap kisi yahal menimkwehsel weci yahat kci cekhols eli sakem ketwesmit.
Ktahlwi mesnemnen samakwan yaka te miliyek kci cekohls pilswesisel item menimkwehs kis tiwal nis pilskwesisiek naka pesk tepok eywok naka ticow nikt mecmi tahawal . Cowi lohkhatohk tante kekw yahat naka sahptemhowaniya sisokwa ewehket kesipitek matipkon tan eci keti lawestowamaht. Nil ep ceskap wewihnwaw ntos nit eyit, nickin naka menakwtetol.
Kenok mec Koluskap ali mec pawatek samakwan, en menimkwehs kisi pcitahkalan eyit kci cekolhs naka titemen eli mec sakem mehcte yali powatemen samakwan. Kci cekolhs tiyal tetli tahaso kci skitap kwikwamek litahaso eli keti mesnek kelwahk samakwan weci kisesmit, kci cekolhs item maceptowan yot eli kisi kisiptinehsi naka kisepawtonel sistel.
Etocilwahat yakw Koluskap mate keti ketwehsmiwen nit mecekpekw samakwan kisi kespalwsit kci cekwolhs. Wisekalkitiyelwehe kloscap matena ketohsmiwen mecekpekw samakwan. Ewehket epes tapi paskatpetowan kci cekolhs woniyakenek naka apc mace cowan samakwan, en etta tapi wekihtowan kci cekwolhs pnapskwi akwiten elmi tociyat sehkhetitit nicikinek pilskwesisek sami nakasowok telewehstoniya. Natsihkwan kci cekwolhsel kisi yahal tetli kil kweci psiw nehpahak pemawhsowinowok. Cowitpet keciciton eli keti peciyay nil Koluskap sakem nil, ciw psiwte wen. Kci cekwohls tasiteman cipeto sakowmawo ciw pemawhsowinowok naka weyesisek kenok cowi matnakw temhk kisi wehkat epes kisi pasketowan kci cekwohlsel woniyaken, elmi notehtkwihit weyesis woniyakenek naka telmi kwaskwin etekw ekwiten en tacehsin elikit athoses, Koluskap kisi nephahal en wiliwete kisowopekil psenatatol pekhikek samakwan. En Koluskap notkiman cocosisek weci mahatit athosesel.’s good enough for him. He’s no better than I am. If he refuses, tell him come himself and try to get something better.”
Koluskap weswehsin menimkwehs wikwamek naka tiyan keskwesowol weci psiwte yahatit eli mecinat kci cekwohls naka eli pekhikek samakwan Wolastokwiyik nemimkwehs woli ciksetewal Koluskapel nake psiwte wen kisi yahal.
