Kcihnaqc Epeskome
pstemon akanotemakenakenotem Gwen Bear (.wav, 820k)
Neqt Koluskap tiyal ‘kolamuksol, “ktehpitem hesis, yekt mukalipok, koti epeskomiyik. Cuwitpot ktolayuman nakil. Temonuk tena koti qasqoltuwok.”
Eli skitapuwit Kcihnaqc, psi te keq ‘tawehtun, on ehta ‘palessin. Kluskap nomiyal on kisi kisehtuwan ‘kipiyan. ‘Tomocihquwawa mukalipok.
Kisi pasqek, on qasqultiniya. Tiyawol mukalipok kcihqnaqcol, “wakac te kil kisuhs, cuwitpot skat qasqultitit, nekom te piyemi kakawessit. Nekom cihtihiket. Kenuk opc palessu. Kakehs pasiciw olotokhu Sakom wikuwamok.
Koluskap kisi kisehtun mecimessin nit ewepiw. Mate te na wen wicuhkemawiyil. Lamiw nit wikuwamok, kisi awskamon sqot Kluskap. Pqot ewepiyewik neqhom on kcihqnaqc.
“Keq nit kolluhk klamuks,” tiyal Koluskap, “Apc kil mecimess kisi palessiyom?”
