Kcihqnac Nipumal Sakom ‘Tusol
pstemon akanotemakenakenotem Gwen Bear (.wav, 475k)
Kisi kcihqnaqc naka Koluskap luhkiyok nahkiyew yut kotok utenek. Mamote Koluskap tiyal “kamot kil Knipuwin”.
Kpa pehciman oc Sakom ciw ‘tusol. On toliptuwan piyehsimotekonol. Psi ‘tolonapem kisewestuwama not Sakom. Tan op al ‘tusuwa kisi nipuman kcihqnaqcol, “Koluskap oc kisi accelal naka ‘tuskitap(uwelan)uwin. Mate koti wisokiluweyawawin wen etutsonit.” Saku koseltomuwaniya ‘tusuwa nipuwin.
“Nehe nat acultina. Psi wen naciphac minsossok. Ciw wihquwacultimk.” Nisonol oqitonol toliptuniya moniqok akamok eyik.
On tolayekhan Koluskap ‘klamamuksol tokkiw cuwahpiyat. Etutelonultitit psi kenuk. Eci tqesu kenuk Sakom ‘tusol.
Pemolaqik nuhuwey kisqol nipuwoltin. “Walotiyik”. Psi te wen naciptun micuwakon.
Uspasiwik nomiyal kcihqnaqcol ehpit. Keq nit?” Tiyal Sakom, “Ktacuwi mihqitahatomonen ele ktusom kisi nipunat kcihnaqcol.
